16:41
2.6.2014
DONBASS-DA GRİOV GÖTÜRÜLƏNLƏRİN SAYI ARTIR
Sosial şəbəkələrdə daim insanların itməsi, girov götürülməsi haqda məlumatlar yayılır. Ən çox da belə hücumlara jurnalistlər məruz qalır. Növbəti belə xəbərdə iddia olunur ki, Donetsk şəhərində bir qrup yaraqlı adam "Donbass" qəzetinin müxbirləri Aleksander Bryzh və Andrei Krevstun, habelə "Vecherniy Donetsk" qəzetinin redaktoru Leonid Lapa-nı naməlum istiqamətə aparıb.
15:55
2.6.2014
Lavrov: Qərb söz vermişdi ki, 25 maydan sonra #Ukrayna düzələcək, lakin hər şey əksindədir http://t.co/c7PTFSs7JE
— AzadliqRadiosu (@RadioAzadliq) 2.6.2014
13:30
2.6.2014
Luqanskda sərhəd zastavasında döyüşlər davam edir
Luqasnk vilayətində Rusiya-Ukrayna sərhəddindəki döyüş 7 saatdan artıqdır davam edir. Ukrayna sərhəd xidməti xəbər verir ki, sərhəd zastavasına hücum edən yaraqlılara daim kömək gəlir, sərhədçilərlə 400-ə yaxın silahlının vuruşduğu bildirlir. Xəbər verilir ki, yaraqlılar separatçıların sevimli “dinc əhali arxasında giizlənmək” taktikasında istifadə edirlər, ətrafdakı yaşayış binalaraında mövqe tutaraq onlara atəş açırlar. Itkilər haqda sərhəd xidmətinin məlumatı belədir 5 yaraqlı öldürülüb, 8-i yaralanıb. Sərhəd qoşunları əsgərlərindən azı 10 nəfər yaralanıb.
12:55
2.6.2014
LUQANSK SƏRHƏD MƏNTƏQƏSİNDƏŞİDDƏTLİ ATIŞMA
Ukrayna təhlükəsizlik qüvvələrinə qarşı irəli sürülən əsas ittihamlardan biri də müxtəlif qurumlar arasında əlaqənin olmamasıdır. Sərhəd qoşunları dəfələrlə şikayət ediblər ki, öz qüvvələri hesabına silahlı terrorçuların hücumlarının qarşısını ala bilmirlər, ordudan isə kömək gəlmir. Eyni zamanda Rusiya ilə sərhəddin mühafizəsi həyatı əhəmiyyət daşıyır. Rusiyadan Ukraynaya keçən silahların və canlı qüvvənin qarşısı alınmasa, Ukraynanın Donetsk, Luqansk, Slavyansk və sair şəhərlərində aparılan antiterror əməliyyatları mənasını itirir, çünki açıq sərhədlə zərəsizləşdirilmiş 1 qrupun əvəzində 2 yenisi peyda olur. Bunu separatçılar da gözəl başa düşdüklərindən Ukrayna sərhədçilərini əsas nəzarət məntəqələrindən sıxışdırmağa can atırlar.
Belə məntələqdən birində, Luqanskın cənubunda yerləşən sərhəd zastavasına səhər saat 4-dən hücum başlayıb. Sərhəd xidmətinin xəbərinə əsasən, gecə saat 1-də əraziyə maşınlarda 100-ə yaxın silahlı gəlib. Onlar sərhəd zastavasının perimetri boyu mövqe tutublar. Səhər saat 4-də hücum başlayıb. Sərhəd qoşunları cavab atəşi açırlar. Ukrayna ordusuna kömək üçün müraciət olunandan sonra əraziyə qırıcı təyyarə gəlib, lakin tərəflər bir-birinə çox yaxın olduğundan döyüşə müdaxiə edə bilməyib.