«Gözləyirdim ki, hökumətin əsəblərinin çat verən vaxtı olacaq»
AzadlıqRadiosunun əməkdaşı, araşdırmaçı-jurnalist Xədicə İsmayıl bunu dekabrın 9-da səhər telefonla bildirib.
Xədicə İsmayıl bildirib ki, hazırda saxlanma şəraitindən şikayəti yoxdur. Jurnalist həbsinin səbəblərinə də toxunub:
«Mən möhkəməm, siz də möhkəm olun. Gözləyirdim ki, hökumətin əsəblərinin çat verən vaxtı olacaq. Bu baş verdi və mən həbs olundum. Mənə qarşı irəli sürülən ittihamlar uydurmadır. Çirkli və qara piar üçün nəzərdə tutulmuş ittiham irəli sürülüb. Ancaq bütün bunlara baxmayaraq, mən möhkəməm. Bilirəm ki, sizə də asan deyil. Amma ruhdan düşməyin. İşinizi davam etdirin. Hər kəsin öz işini davam etdirməsi çox vacibdir. Həmkarlarımdan yeni-yeni araşdırmalar, hüquq müdafiəçilərindən yeni-yeni təşəbbüslər gözləyirik. İş davam etməlidir».
#khadija Nils Muiznieks Xədicə İsmayılın həbsinə reaksiya verdi http://t.co/HliIyeUfpO http://t.co/shHa42xHUB
— AzadliqRadiosu (@RadioAzadliq) 9.12.2014
Xədicəyə sualın varsa, bura yaz
Xədicə İsmayıl AzadlıqRadiosunun «İşdən sonra» proqramını aparmaq imkanından məhrum olunub. Onu dekabrın 5-də həbs ediblər.
Xədicəyə sualın və ya onunla bölüşməli fikrin varsa, bura yaz, sözlərini Xədicəyə çatdıraq.
Ailəcanlı Əli Həsənov və Xədicənin həbsi
Hakimiyyət iddia edir ki, Xədicə İsmayılın həbsi ilə onun araşdırmaları arasında heç bir əlaqə yoxdur. Lakin bu araşdırmaların əsas nəticəsi də məhz ondadır ki, hakimiyyət mənsublarının siyasi bəyənatları təmənnasız sayıla bilməz, onların siyasi iddiaları arxasında öz ailə üzvlərinin itqisadi maraqları durur. Həmin maraqları da gizli seyflərdən çıxarıb ictimaiyyətə çatdıran Xədicədir. Məsələn, bu araşdırmadan sonra Əli Həsənovun siyasi bəyanatları nə dərəcədə səmimi səslənir, müqayisə edin.