Rusiya Mariupolla Boengin vurulmasını müqayisə edir
Rusiya Dövlət Dumasının xarici əlaqələr komitəsinin sədri Aleksey Pushilin yazır ki, Mariupolun Qrad atəşi vəziyyəti gərginləşdirmək üçün həyata keçirilən təxribat ola bilər. O, ötən ilin iyulunda Ukrayna üzərində vurulan Malayziya təyyarəsinin də eyni məqsədlə həyata keçirildiyini istisna etmir. Ukrayna hər 2 hadisədə Moskvanın dəstəklədiyi separatçıları günahlandırı. Separatçılar isə Boenglə olduğu kimi, Mariupol hadisələrinə aidiyyatlarını inkar edirlər, deyirlər ki, onların mövqeləri həmin ərazini bombalamaq üçün çox uzaqda olub.İddia edirlər ki, Mariupolun yaşayış massivi Ukrayna ordusunun Qrad qurğularından atəşə tutulub. ATƏT müşahidəçiləri isə əksinə bəyan ediblər ki, yanvarın 24-də səhər Mariupol Novoazovsk yaxınlığından Qrad və Uraqan reaktiv artilleriyası ilə atəşə tutulub. Bu ərazilər ötən ilin avqust-sentyabrında separatçılar tərəfindən zəbt edilib.
[live-blog] Xarici səfərini yarımçıq qoyub təcili #Ukrayna-ya qayıdan prezident Petro #Poroshenko bəyan edib ki,... http://t.co/dL7NiQCivg
— AzadliqRadiosu (@RadioAzadliq) 25.1.2015
Mariupola 2 istiqamətdən raket atılıb.
ATƏT müşahidəçilərinin gəldiyi nəticə belədir ki, Mariupol DNR separatçılarının nəzarətində olan ərazilərdəki 2 istiqamətdən Qrad və Uraqan reaktiv artilleriya qurğularından atəşə tutulub. Bildirlir ki, Qrad raketləri Mariupolun şərqindəki yayayış massivinə Mariupolun Olimpiyskaya küçəsindən 19 kilometr şimal-sərqdən, Uraqan raketləri isə təqribən 15 kilometr şərqdə, Zaiçenko tərəfdən atılıb. Hər 2 ərazi yaraqlı separatçıların nəzarətindədir.
Xatırladırıq ki, yanvarın 24-də atəşə tutulan yaşayış massivindən bir qədər aralı Ukrayna ordusunun blok-postu olub. Ukrayna tərəfi ehtimal edir ki, separatçılar həmin postu vurmaq istəyiblər, lakin ballistik hesabları düzgün olmayıb. Kiyev həmçinin bəyan etmişdi ki, Ukrayna ordusu Mariupola atəş açan 6 Qrad qurğusundan 4-ünü cavab atəşi ilə sıradan çıxarıb.