Rusiya prezidenti Vladimir Putin deyir ki, ölkə iqtisadiyyatı barədə inamlı düşünməyə “fundamental əsas” yoxdur.
Putin martın 19-da Moskvada biznesmenlərin yığıncağında danışıb
Bu arada Rusiya iqtisadiyyatı barədə heç yaxşı xəbərlər gəlmir. Dünyada neftin qiymətinin düşməsi və Ukrayna böhranına görə Moskvaya sanksiyalar iqtisadiyyata ciddi ziyan vurub.
Fevralda Rusiyada pərakəndə satış 7.7 faiz, real maaşlar 9.9 faiz azalıb. Ötən ilin ortasıyla müqayisədə rubl ABŞ dollarına nisbətən 40 faiz düşüb.
Rusiyanın maliyyə naziri Anton Siluanov isə yığıncaqda deyib ki, ən pis dönəm geridə qalıb.