Sonda yenə hesabatçı Petras Auştreviçius çıxış etdi. O dedi ki, o pullar sonra hara gəlir? Bura- Avropaya. Ona görə " biz özümüzə də baxmalıyıq". "Biz hələlik hesabat hazırlayırıq, moizə oxuyuruq".
"Əgər bir çox ölkədə korrupsiya siyasət vasitəsi olubsa, məmurlara imkan verilirsə ki, bundan qazansınlar, onlar söz deyəndə, cavab verirlər ki, siz bizdən nə ilə fərlənirsiniz.? Bizim pullar sizin xoşunuza gəlirsə, onda bizdən nə istəyirsiniz?" "Ona görə biz burdakı vəziyyətə də diqqət yetirməliyik."
Bununla əsas çıxışçıların nitqləri bitdi. Daha sonra deputaların bu mövzuda fikirləri dinlənildi. Deputat Gomes o cümlədən deyir ki, Hindistandan, Qvatemaladan, Azərbaycandan korrupsiya ilə çıxarılan pullar Avropa Birliyinin bankları vasitəsilə gedir, Avropada daşınmaz əmlaka qoyulur.
Belçikalı jurnalist Kristof Clerix Panama sənədlərindən danışır. Deyir ki, Panama sənədləri aysberqin görünən yalnız cüzi bir hissəsidir. Təkcə Fonseca 200 min ofşor şirkət yaradıb.
12 ölkə rəhbəri var. Şirkət sahibləri arasında. Bu işlərlə əlaqəli 29 milyarder var, Forbse-un 500 ən varlı adamlar siyahısından İslandiyanın baş naziri istefa verdi. Ukrayna prezidenti Poroshenko da var. Ermənistanda hansısa general istefa verdi.
Lüksemburqda 500 belə şirkət yaradılıb. Panama sənədləri 11 milyon sənəddir. Araşdırmaçı jurnalistlər konsorsiumu əsas materialları sayta qoyub.
"Fərdi sanksiyalar"
Vincent Azərbaycanda digər məhbusların adını sadalayır. Hər birinin nəyə görə tutulmasından danışır. Deyir ki, Azərbaycanda media hakimiyyət tərəfindən nəzarətdə saxlanır. Vəziyyət yaxşılaşmır.
Vincent deyir: "Avropa Birliyində biz fərdi sanskiyalar məsələsinə baxmalıyıq, ayrı-ayrı məmurlar haqda. Fərdi sanksiyalar vacibdir. Belə sanksiyalar korrupsiya ilə mübarizədə səmərəlidir."
Natiq daha sonra deyir ki, Avropa Birliyi Azərbaycanda islahatlara yardım edə bilər. Ancaq Azərbaycan tələb olunan islahatları aparmır. Məhbuslar buraxılmır. Qanunvericilik dəyişdirilmir: "Avropa Birliyi öz nüfuzundan istifadə etməlidir. Azərbaycanın indiki böhran şəraitində beynəlxalq aləmə ehtiyacı var. "