WikiLeaks saytının rəhbəri Julian Assange avtobioqrafik kitab yazmağa razılaşıb.
Gələn ilin martında tamamlanacaq kitaba görə ona 1,5 milyon dollar qonorar ödənəcək.
Britaniyanın "Sunday Times" qəzetinə açıqlamasında Assange deyib ki, o əvvəlcə kitab yazmaq istəmirmiş, amma məhkəmə xərclərini ödəmək və saytının fəaliyyətini davam etdirməyə maliyyə tapmaq üçün buna razılıq verib.
Kitabı iki nəşriyyat sifariş verib: Amerikanın "Alfred A. Knopf" və Britaniyanın "Canongate" nəşriyyatları.
Assange minlərlə məxfi sənədi açıqlamaqla Amerika hökumətini qəzəbləndirib.
Bundan sonra Visa, MasterCard və Internet ödəniş xidməti olan PayPal WikiLeaks-lə işləməkdən imtina edib.
Bu xəbərlərdən sonra WikiLeaks-ə dünyanın müxtəlif ölkələrindən iyanələr daxil olmağa başlayıb.
Hazırda Assange zaminə buraxılıb və Britaniyada öz tərəfdarlarının ayırdğı evdə yaşayır.
O, məhkəmə hökmünü gözləyir. Məhkəmə onun İsveçə təhvil verilib-verilməməsi haqda qərar verməlidir.
Assange İsveçdə zorlamada ittiham edilir. Assange-ın özü isə bunun onun saytını susdurmağa yönəldiyini iddia edir.
Onun Britaniyada zaminə buraxılma şərtləri sərtdir. Assange elektron qolbağ geyinir və hər gün polislə əlaqə saxlamağa məcburdur.
Assange-ın kitab yazacağı haqda xəbər - onun saytının keçmiş əməkdaşı Daniel Domscheit-Berg-in kitab yazmaq barədə qərarını açıqlamasından dərhal sonra yayılıb.
Daniel Domscheit-Berg deyib ki, onun kitabı WikiLeaks-in "necə işlədiyi və təşkilatın daxilindəki gərginliklər" haqda olacaq.
WikiLeaks-i sentyabrda tərk edən Daniel Domscheit-Berg-in kitabı belə adlanacaq: "WikiLeaks-in içindən: Mənim dünyanın ən qorxulu veb-saytında Julian Assange ilə birgə fəaliyyətim".
Amerikanın səsi
Gələn ilin martında tamamlanacaq kitaba görə ona 1,5 milyon dollar qonorar ödənəcək.
Britaniyanın "Sunday Times" qəzetinə açıqlamasında Assange deyib ki, o əvvəlcə kitab yazmaq istəmirmiş, amma məhkəmə xərclərini ödəmək və saytının fəaliyyətini davam etdirməyə maliyyə tapmaq üçün buna razılıq verib.
Kitabı iki nəşriyyat sifariş verib: Amerikanın "Alfred A. Knopf" və Britaniyanın "Canongate" nəşriyyatları.
Assange minlərlə məxfi sənədi açıqlamaqla Amerika hökumətini qəzəbləndirib.
Bundan sonra Visa, MasterCard və Internet ödəniş xidməti olan PayPal WikiLeaks-lə işləməkdən imtina edib.
Bu xəbərlərdən sonra WikiLeaks-ə dünyanın müxtəlif ölkələrindən iyanələr daxil olmağa başlayıb.
Hazırda Assange zaminə buraxılıb və Britaniyada öz tərəfdarlarının ayırdğı evdə yaşayır.
O, məhkəmə hökmünü gözləyir. Məhkəmə onun İsveçə təhvil verilib-verilməməsi haqda qərar verməlidir.
Assange İsveçdə zorlamada ittiham edilir. Assange-ın özü isə bunun onun saytını susdurmağa yönəldiyini iddia edir.
Onun Britaniyada zaminə buraxılma şərtləri sərtdir. Assange elektron qolbağ geyinir və hər gün polislə əlaqə saxlamağa məcburdur.
Assange-ın kitab yazacağı haqda xəbər - onun saytının keçmiş əməkdaşı Daniel Domscheit-Berg-in kitab yazmaq barədə qərarını açıqlamasından dərhal sonra yayılıb.
Daniel Domscheit-Berg deyib ki, onun kitabı WikiLeaks-in "necə işlədiyi və təşkilatın daxilindəki gərginliklər" haqda olacaq.
WikiLeaks-i sentyabrda tərk edən Daniel Domscheit-Berg-in kitabı belə adlanacaq: "WikiLeaks-in içindən: Mənim dünyanın ən qorxulu veb-saytında Julian Assange ilə birgə fəaliyyətim".
Amerikanın səsi
