Rusiyanın hərbi karvanı Krosnodona tərəf hərəkət edir
Ukrayna Milli Təhlükəsizlik şurası Rusiyanın Ukraynaya hərbi müdaxiləsinin təsdiqi kimi bu videonu yayıb. 120-yə yaxın hərbi texnika Rostov vilayətindən Luqansk vilayətinin Krasnodon şəhərinə istiqamət alıb. Yanacaqdaşıyan maşınlarının üstündə rusca "Oqneopasno" (oddan təhlükəli) yazılıb. Yol işarələri ərazinin artıq Ukryna olduğuna dəlalət edir.
Lavrov: Separatçılar Putinin atəşkəs çağırışını nəzərə alır
Rusiyanın xarici işlər naziri Sergei Lavrov bəyan edib ki, rusiyayönümlü separatçılar Vladimir Putinin atəşkəs çağırışını nəzərə alırlar.
#Ukrayna Arseniy Yatsenyuk: Rusiya NATO-nun Uelsdəki sammiti öncəsi Qərbi aldatmaq məqsədi güdür http://t.co/MDanqk3EWy
— AzadliqRadiosu (@RadioAzadliq) 4.9.2014
İlovaysk uğursuzluğunun qiyməti...
Kiyev İlovaysk ətrafında Ukrayna tərəfinin itkiləri haqda rəsmi məlumat açıqlamağa tələsmir. Burada Ukrayna tərəfinin düçar olduğu uğursuzluğun miqyası haqda ancaq sosial mediada yayılan görüntülərdən və mühasirədən çıxanların dediklərindən təxmini nəticə çıxarmaq lazım gəlir. Belə xəbərlərdən biri də, Zaporojyedən gəlib. AzadliqRadiosunun Rusiya xidməti xəbər verir ki, vilayət mərkəzinin morquna son 2 gün ərzində Lovaysk ətrafında həlak olan 97 nəfərin meyiti daxil olub.
Xatırladırıq ki, bazar ertəsi əsirlərin dəyişməsi ilə məşğul olan qrupun rəhbəri, isetfada olan Ukrayna generalı Vladimir Ruban İlovaysk qazanında 700 nəfərə yaxın adamın separatçılar tərəfindən əsir alındığını bildirib.
Müxtləf mənbələr mühasirədən 200 Ukrayna əsgərinin çıxdığını xəbər verir.
Xatırladırıq ki, əvvəl İlovaysk ətrafındakı Ukrayna əsgərlərinin mühasirədən çıxması haqda razılıq əldə olunması haqda xəbərlər yayıldı. Mühasirədəki əsas qruplaşmanın, könüllülərdən ibarət “Donbass” batalyonunun komandiri Semen Semenchenko (həmin anda o yaralı olduğundan öz əsgərlərinin yanında, mühasirədə deyildi) sosial mediada yazmışdı ki, Kiyevlə separatçılar arasında əsgərlərin mühasirədən çıxması üçün “humanitar (yaşıl) dəhliz”in açılması razılığı əldə olunub. Lakin mühasirədən çıxanda Ukrayna əsgərlərinin qarşısını kəsən Rusiyameylli yaraqlılar bildiriblər ki, həlqədən ancaq silahı yerə qoyub çıxa bilərlər. Buna razılaşmayanda “yaşıl dəhlizdə”ki Ukrayna hərbi karvanları atəşə tutulib, Ukrayna hissələrinin qalıqları da mühasirədən döyüşlə çıxmağa məcbur olub, bu zaman ağır itkilər veriblər.